Сёння нашы навукоўцы актыўна працуюць над тэхналогіяй, якая дазволіць вызначаць тып віруса за паўгадзіны. Гэта стала магчымым дзякуючы развіццю лазернай медыцыны. Зараз на такія даследаванні дактарам неабходна 10, а часам і 20 дзён. Дарэчы, у інстытутах акадэміі ўсё часцей можна сустрэць маладых спецыялістаў. Траціна супрацоўнікаў - маладзейшыя за 30 гадоў. Штогод больш чым 300 выпускнікоў ВНУ пачынаюць тут сваю кар'еру.
Уладзімір Гусакоў, старшыня прэзідыума НАН Беларусі: "Ну і далей, вядома, навуковае суправаджэнне, каб яны абаранілі дысертацыі, але гэтага ж не дастаткова. Для гэтага трэба і жыллё, і заработная плата, і сістэма матывацыі, і сістэма кар'ернага росту - па ўсіх гэтых кірунках імкнёмся працаваць. У нас ёсць такі праект - навуковец пад ключ - і гэты праект уключае ўсе гэтыя кірункі падтрымкі навукоўцаў. Мы вельмі задаволеныя і ганарымся, што ад нас моладзь не сыходзіць".
Урачыстыя мерапрыемствы пачнуцца ў чацвер - вядучыя навукоўцы і маладыя спецыялісты выступяць з дакладамі па сямі кірунках навукі. А ў пятніцу ў акадэміі пройдзе маштабная выстава дасягненняў беларускіх навукоўцаў. Самым выбітным уручаць граматы і прэміі.
