75,5 тысяч шматдзетных сем'яў скарысталіся сямейным капіталам

10 Снежня 2019
Дарэчы, па праграме "Сямейны капітал"  у Беларусі шматдзетнымі сем'ямі адкрыта 75,5 тысяч дэпазітных рахункаў.  Гэта ў эксклюзіўным інтэрв'ю АТН распавялі ў профільным ведамстве. Нагадаем,  сямейны капітал прызначаецца ў выглядзе адначасовай выплаты ў памеры 10 тысяч долараў пры нараджэнні трэцяга і наступных дзяцей. Праграма дзейнічае з 2015  года, і павінна завяршыцца 31 снежня. Распараджацца сродкамі можна пасля дасягнення дзіцем 18 гадоў, на паляпшэнне жыллёвых умоў, адукацыю, медыцыну, сацабслугоўванне, а таксама на назапашвальную пенсію маці.  Мера аказалася эфектыўнай.  Таму дзеянне праграмы  вырашылі прадоўжыць яшчэ на 5 гадоў.  І з вызначанымі зменамі.

Праграма сямейнага капіталу падоўжана яшчэ на 5 гадоў 


Валерый Кавалькоў, намміністра працы і сацыяльнай абароны Беларусі: "Змененая валюта. Сямейны капітал будзе налічацца ўжо ў беларускіх рублях. Сума сямейнага капіталу -  22 тысячы беларускіх рублёў. Для захавання пакупніцкай здольнасці гэтых сродкаў. Ён будзе штогод індэксавацца на індэкс спажывецкіх цэн. З улікам просьбаў і пажаданняў шматдзетных сем'яў зменены трошкі парадак выкарыстання сямейнага капіталу.  Фактычна з 1 студзеня 2020 года грамадзяне,  якія атрымалі сямейны капітал па першай праграме альбо тыя, якія будуць атрымліваць яго па другой, могуць адразу ж звяртацца па яго датэрміновае выкарыстанне".

На кантролі Прэзідэнта


Яшчэ больш падрабязнасцяў работы сямейнага капіталу - дапамогі, льгот  для шматдзетных, а таксама на будаўніцтва жылля.  Аб гэтым і не толькі - ужо заўтра  ў праекце "На кантролі Прэзідэнта"  адразу пасля "Панарамы".