Тут штодня праводзяцца дзясяткі аперацый. Сучаснае абсталяванне дазваляе вырашаць самыя складаныя задачы.
З дактарамі, якія стваралі гісторыю бальніцы, пагутарыла Юлія Грызунт.
Таццяна Максімава прыйшла ў гэтую бальніцу 32 гады таму інтэрнам. Доктар стаяла ля вытокаў ультрагукавой дыягностыкі. Таму што профілі бальніцы хірургічны і акушэрскі, практычна ўсе, хто трапляюць у клініку, праходзяць менавіта праз гэтае профільнае аддзяленне дыягностыкі. Сёння яго ўзначальвае Таццяна Максімава. Калісьці ў пачатку кар'еры прыкладам для яе былі старэйшыя калегі. Зараз доктар імкнецца стаць такім жа настаўнікам для маладых спецыялістаў і перадаць ім не толькі свае веды.
Сафія Шостак працуе ў гэтай клініцы ўжо практычна 50 гадоў. Любоў да прафесіі дапамагала доктару без цяжкасці асвойваць новае абсталяванне, з гадамі становячыся толькі больш спрактыкаванай і ўважлівай. Што немалаважна ў прафесіі лабаранта.
Першая цэгла гэтага будынка была закладзена яшчэ ў 1828 годзе. На месцы сённяшняга афтальмалагічнага корпуса 190 гадоў таму пачалася гісторыя самай старой бальніцы Мінска. Тады ўся клініка ўяўляла сабою адзін двухпавярховы будынак на 50 коек. Працавалі тут 2 урачы і 3 фельчары.
Сёння тут штодня працуюць больш за паўтысячы медработнікаў. У клініцы аказваюць хірургічную, тэрапеўтычную і акушэрска-гінекалагічную дапамогу. У пачатку 2019-га тут плануюць адкрыць новае аддзяленне - агульнай гнойнай хірургіі.
Тут выконваюць тысячы аперацый. Напрыклад, толькі афтальмолагі - 15 тысяч за год. Сучаснае абсталяванне дазваляе праводзіць любыя працэдуры - ад касметычных да прафілактычных. Амаль штодня ўрачы ратуюць пацыентаў з дыябетам ад слепаты, якая насоўваецца. Паводле традыцыі, новыя супрацоўнікі бальніцы даюць клятву клумаўцаў. Гэтаму звычаю ўжо больш за 70 гадоў - абяцанне выконваць добрасумленна сваю працу і паважаць традыцыі найстарэйшай клінікі ў Мінску.
