3-га ліпеня 75 гадоў таму Мінск быў вызвалены ад захопнікаў. Таму сёлета святкаванне Дня Незалежнасці ў сталіцы - асаблівае ўдвая. Знакавую дату адзначылі найбольш маштабна. Разгарнуліся дзясяткі святочных лакацый - выставы, тэматычныя квесты, канцэрты.
Гараджане ўспаміналі свае сямейныя гісторыі, а яшчэ дзяліліся творчымі і спартыўнымі талентамі. Храналогія Дня Незалежнасці - у рэпартажы Аляксандры Кавеліч.
Чырвоныя ружы як сімвал адвагі і непакорнасці. Жывыя кветкі ўсклалі да падножжа манумента Перамогі - падзяка тым, хто вызваляў краіну 75 гадоў таму. Тыя ўжо далёкія падзеі закранулі амаль кожную сям'ю і назаўсёды засталіся ў памяці.
Тым часам падзеі 44-га ўзгадвалі і на святочных пляцоўках. Партызанскія зямлянкі ўсталявалі ў парку Перамогі. Вось так у лясных школах на бяросце малявалі ягадамі і вуглем, а ў шашкі гулялі бярозавымі самаробнымі фігурамі.
Дарэчы, гэта не адзіная лакацыя, дзе можна было ажыццявіць падарожжа ў мінулае.
Месцам гістарычнай рэканструкцыі стала пляцоўка ля ратушы. На нейкі час Верхні горад ператварыўся ў Мінск XVII стагоддзя. Тут гасцей сустракаюць прадстаўнікі той эпохі - шляхцічы.
Ад герояў даўніх стагоддзяў майстар-класы па фехтаванні.
Кульмінацыяй 3-га ліпеня стаў ваенны парад. Сотні адзінак тэхнікі, зладжаныя рухі роты ганаровай варты і ў фінале тэатралізаваны эпізод "Беларусь гераічная". Паўтысячы артыстаў адлюстравалі гісторыю адважнай барацьбы за незалежнасць роднай краіны.
А пасля ў тысячы галасоў як сімвал адзінства гучаў гімн. Яго спявалі разам усе пакаленні.
3-га ліпеня Мінск адзначыў дзень вызвалення ад захопнікаў
4 июля 2019