Пераднавагодні час - гэта дні, напоўненыя асаблівым настроем і святочнай атмасферай. Напярэдадні Новага года Белтэлерадыёкампанія падрыхтавала сюрпрыз для тэлегледачоў. 31 снежня на "Беларусь 1" з самой раніцы стартуе маштабны тэлемарафон. З 9 раніцы ў прамым эфіры медыйныя асобы ў кампаніі зорных гасцей будуць рыхтавацца сустракаць Новы год. Будзе шмат розыгрышаў, падарункаў, конкурсаў. Але аб усім па парадку даведаемся ў майго калегі Яўгена Перліна.
Каб раскрыць крыху заўтрашнюю інтрыгу, я зараз папрашу аператара прагуляцца са мной у суседнюю студыю. Пойдзем.
Ідзём. Гэта галоўная інфармацыйная студыя краіны, адкуль выходзяць у эфір навіны, "Панарама", эканамічныя і крымінальныя праекты.
Але заўтра на "Беларусь 1" будзе незвычайны эфір. Таму мы адпраўляемся ў суседняе памяшканне - самую вялікую студыю краіны, мы яе называем "шасцісотка", дзе толькі нядаўна завяршылі мантаж дэкарацый.
Хоць заўтра і субота, я прапаную гледачам усё ж прачнуцца крыху раней. Успомніце, у колькі пачынаюцца навіны ў выхадныя дні? Правільна! У 9:00 мы з Агенцтвам тэленавін распавядзём аб галоўных сусветных падзеях - інфармацыйны блок у нас таксама будзе часткай вялікай святочнай студыі. І што самае галоўнае - практычна ў кожным выпуску нас чакаюць прамыя ўключэнні рэпарцёраў з усёй краіны.
Пасля навін мы, як і шматлікія беларусы, прадоўжым даўнюю традыцыю - пачнём рыхтавацца да Новага года.
Калі не выбралі ўбор, мы распавядзём і пакажам, што эфектнае стылісты раяць надзець заўтрашняй ноччу.
Што далей трэба для сямейнага застолля? Вядома, традыцыйныя салаты. Але іх нарэзку, паважаныя дзяўчаты, мы даручым мужчынам.
Дарэчы, яшчэ адна фішка прамога эфіру - менавіта заўтра раніцай сакрэтны зорны дуэт Дзеда Мароза і Снягуркі пастукаецца ў кватэры простых мінчан, магчыма, да вас і ўручыць падарункі ад "Беларусь 1". Але толькі тым, хто зможа іх распазнаць за грымам і касцюмамі.
Больш за тое, у нашых гледачоў будзе магчымасць перадаць у эфіры прывітанне сваім родным і павіншаваць іх. СМС-чат будзе працаваць да самага вечара.
Яшчэ адна традыцыя - 31 снежня пераглядваць любімыя фільмы. Толькі рабіць гэта мы будзем з вамі вельмі ўважліва. А самым хуткім гледачам уручым прыемныя навагоднія сувеніры.
Кампанію вядучым абсалютна розных праектаў на "Беларусь 1", якія будуць змяняцца на працягу тэлемарафону, складуць, як гэта прынята гаварыць, зоркі першай велічыні. Але насамрэч гэта беларускія артысты, песні якіх мы добра ведаем.
А яшчэ мы на Макаёнка заўтра чакаем людзей, якія дабіліся прарыву ў абсалютна розных сферах - спорт, культура, выкананне жаданняў. Менавіта ён будзе заўтра ў нашай студыі ў прамым эфіры. Мы сустрэнемся з галоўным Дзедам Марозам краіны і гледачы таксама змогуць задаць яму пытанне праз СМС-чат.
Мы ўжо прыйшлі ў "шасцісотку" - вось адгэтуль заўтра будзем выходзіць з калегамі ў прамы эфір і разам рыхтавацца да Новага года. Зараз яшчэ настройваюць гук і святло.
Самае галоўнае, калі навагодні стол будзе накрыты, мы ўсё дружна збяром усіх нашых сваякоў і сяброў - пасля "Панарамы" на "Беларусь 1" пачнецца вялікі канцэрт. Гэта песні, якім будзем падпяваць усёй краінай.
Так што лепш не акунацца ў навагоднюю мітусню, а стаць часткай адной вялікай сям'і, якую заўтра аб'яднае наш канал у тэлемарафоне "Беларусь сустракае Новы год".
