Гэта частка гуманітарнага грузу, які даставілі сёння. Спецрэйс з Пекіна ў Мінск арганізавала беларускае пасольства ў Кітаі. Гэта каля 30 тон грузу: тэст-сістэмы, маскі павышанай аховы, сістэм дыягностыкі, некалькі мільёнаў масак і медпрэпараты. Частка грузу - дапамога ад прыватных і дзяржаўных кампаній Беларусі. У МЗС нашай краіны таксама адзначылі асабісты ўдзел у арганізацыі дапамогі пасла Кітая ў Беларусі Цуй Цыміна.
Ло Чжаньхой, саветнік па палітычных справах пасольства КНР у Беларусі: "Сённяшнюю партыю медыцынскіх матэрыялаў менавіта сумесна арганізуюць пасольства Кітая ў Беларусі і пасольства Беларусі ў Кітаі. У той жа час Міністэрства замежных спраў, Міністэрства аховы здароўя, Мінабароны, МНС Беларусі і іншыя ведамствы таксама правялі вялікую работу па транспарціроўцы і забеспячэнні паспяховай дастаўкі і прыёмкі грузу. За гэта кітайскі бок выказвае шчырую падзяку".
Неабходнае перадалі таксама правінцыі і гарады Кітайскай Народнай Рэспублікі, якія наладзілі пабрацімскія адносіны з рэгіёнамі Беларусі. Гэта ўжо другі борт з гуманітарнай дапамогай з Паднябеснай.
30 тон гуманітарнага грузу. З Пекіна даставілі экспрэс-тэсты, лекі і сродкі засцярогі
17 апреля 2020