Калі вольны час - добры шанц для самаразвіцця! Творчы навучальны год хутка стартуе і ва ўстановах дадатковай адукацыі. На канікулах сталічныя школьнікі займаюцца ў студыях выяўленчага мастацтва, спартыўных секцыях і клубах па інтарэсах. Новы навучальны год прынясе развіццё самых запатрабаваных кірункаў. Так, у Мінскім дзяржаўным палацы дзяцей і моладзі да 1 верасня адкрыюцца каля трох дзясяткаў гурткоў. Сярод іх - тэхнічныя, лінгвістычныя, харэаграфічныя. Новых ідэй чакаюць і экалагічныя аб'яднанні.
Летнія канікулы даюць магчымасць паглыбленага вывучэння розных дысцыплін. Заняткі ў многіх гуртках працягваюцца і зараз. Напрыклад, удзельнікі студыі выяўленчага мастацтва прадставілі свае работы на міжнародным творчым конкурсе ў Казахстане. Вынік - тры дыпломы лаўрэатаў прэміі для юных мастакоў.
Прыём у новыя гурткі і секцыі ў Мінскім дзяржаўным палацы дзяцей і моладзі пачнецца з 23 жніўня.
