26 тысяч чалавек летась атрымалі працоўнае месца дзякуючы Беларускаму саюзу моладзі. Пра гэта заявіў журналістам другі сакратар БРСМ Алег Дзікун. Больш за 24 тысячы працаўладкаваны ў складзе студэнцкіх атрадаў і больш за 2 тысячы - індывідуальна. А сёння ў Нацыянальнай бібліятэцы ўшаноўвалі самых актыўных маладых людзей. А гэта больш за 400 чалавек з розных рэгіёнаў, якія працуюць у сферах сельскай гаспадаркі, медыцыны, адукацыі. Лепшым ужо другі год запар застаецца будаўнічы атрад "Эўрыка".
Да II Еўрапейскіх гульняў ужо сфарміраваны атрады валанцёраў: больш за паўтысячы студэнтаў праходзяць падрыхтоўку.