22 гады пазбаўлення волі за напад на супрацоўніка калоніі. Уладзіславу Казакевічу вынесены прысуд па новай крымінальнай справе. Нагадаем, інцыдэнт адбыўся ў кастрычніку, калі ён ужо адбываў пакаранне за напад з бензапілой у адным са сталічных гандлёвых цэнтраў. Як паведамлялі ў МУС, у калоніі падчас прагулкі Казакевіч выхапіў з рукава самаробны нож і паспрабаваў напасці на ахоўніка, але быў абясшкоджаны. Згодна з рашэннем суда, першыя 5 гадоў ён правядзе ў турме, астатнія 17 у калоніі ўзмоцненага рэжыму.