У апошні дзень вучэнняў "Захад-2017" беларускія і расійскія экіпажы МіГ-29 забяспечаць знішчальнае прыкрыццё ўдарнай авіяцыі.
Пра гэта распавёў сёння на брыфінгу прадстаўнік Міністэрства абароны Уладзімір Макараў. Змяшаныя падраздзяленні зенітнага ракетнага палка будуць вырашаць задачы па супрацьпаветраным прыкрыцці групоўкі войскаў. Агульнавайсковыя падраздзяленні разыграюць баявыя дзеянні па вылучэнні, праследаванні, блакіраванні і знішчэнні апошніх незаконных узброеных фарміраванняў. Падчас адпрацовак тактычных эпізодаў прадэманструюць магчымасці новых узораў узбраення і ваеннай тэхнікі.
За актыўнай фазай вучэнняў будуць назіраць прадстаўнікі ваенна-дыпламатычнага корпусу замежных краін, міжнародных арганізацый ААН, АБСЕ, НАТА і ваенныя назіральнікі ад Латвіі, Літвы, Польшчы, Украіны, Эстоніі, Швецыі і Нарвегіі.
