Дакумент аб узмацненні жорсткасці заканадаўства за захоўванне дзіцячай парнаграфіі падрыхтавалі на тыдні праваахоўнікі. У галоўным упраўленні па наркакантролі і процідзеянні гандлю людзьмі МУС прапаноўваюць за такія дзеянні штраф і турэмны тэрмін. Дарэчы, гэта ўпраўленне выступае ініцыятарам ужо не першага дакумента, які ўносіць свае карэктывы ў крымінальныя зводкі.
Успомніць хаця б антымакавы дэкрэт, які сказаў сваё важкае слова ў барацьбе з гэтым злом. А нядаўна, што называецца, на практыцы пачаў працаваць яшчэ адзін важны дакумент - у сферы наркакантролю. Упершыню драгдылера асудзілі на 25 гадоў пазбаўлення волі. Аб тых, хто на працягу ўжо двух дзесяцігоддзяў супрацьстаіць злачыннаму свету - Юрый Шаўчук.
Чэрвень 2015 года. У пад'ездзе шматпавярховага дома ў Слуцку знойдзена цела жанчыны. Ледзь пазней следчыя выявяць у аўтамабілі, прыпаркаваным побач з пад'ездам, яшчэ адзін труп - мужчыны. Як адзначылі эксперты, загінуўшыя памёрлі ад перадазіроўкі цяжкіх наркотыкаў.
Праз месяц ад перадазіроўкі аналагічным рэчывам загінуць яшчэ два чалавекі. На гэты раз целы хлопцаў знойдуць на прыпынку ў Глуску. Пазней байцы наркакантролю высветляць, што прычынай 4 смерцяў стаў метадон, і яго сляды прывядуць аператыўнікаў у Бабруйск.
Спецаперацыю па затрыманні бабруйскага наркадылера праводзілі аператыўнікі Магілёўскага наркакантролю пры сілавой падтрымцы спецыяльнага атрада хуткага рэагавання. Мужчыну ўзялі пад варту. У ізалятары раней у статусе падазронага потым абвінавачанага затрыманы праседзеў прыкладна год, але сваю віну так і не прызнаў, нават на судзе.
А гэта яшчэ адна спецаперацыя, у якой удзельнічалі беларускія байцы наркакантролю. Здымка зробленая ў Кыргызстане падчас антынаркатычнага рэйду "Канал-патруль". Нашы аператыўнікі разам з калегамі па АДКБ патрулююць межы Кыргызстана, Таджыкістана і Афганістана. Не сакрэт, што менавіта праз гэтыя месцы пралягае асноўны наркатрафік па так званым паўночным маршруце. Аперацыя праходзіла ў нязвыклай для нашых аператыўнікаў мясцовасці - у гарах, але напрацоўкі беларусаў прыйшліся дарэчы.
Гэты маршрут гаворыць аб тым, што працаваць краіны павінны разам. Сцежкі наркакартэля могуць прайсці праз любы горад і пакінуць пасля сябе смяротныя сляды. Што ж датычыцца вытворчасці наркотыкаў, то аператыўнікі гавораць, што для кожнага маецца свой вектар. Калі ёсць попыт на сінтэтычную атруту, працуе далёкаўсходні сіндыкат. Гандаль марыхуанай, какаінам, гераінам больш распаўсюджаны на паўднёвым усходзе Азіі. Так або інакш экспарт наркотыкаў вельмі прыбытковы бізнес - сярэдні абарот 320 мільярдаў долараў за год. А любы бізнес, як вядома, завязаны на эканоміцы.
Васіль Лосіч, начальнік ГУНіПГЛ МУС Беларусі:
"Яны вельмі адчувальна рэагуюць на ваганне валют і расійскага рубля і могуць змяняцца кожную хвіліну. Калі падняўся курс расійскага рубля, павысіўся або апусціўся, гэты вектар можа падняцца у зваротны бок".
Вось толькі некаторыя лічбы, якія гавораць аб маштабах наркатычнай пагрозы. У невялікім Кыргызстане за год у крымінальную зводку трапляе амаль 1,5 тысячы злачынстваў, звязаных з пазапраўным абарачэннем наркотыкаў. Наступны прыпынак паўночнага маршруту - Казахстан і больш як 8 тысяч злачынстваў. Далей Расія - і рэкордная, больш дакладна, антырэкордная лічба - амаль 185 тысяч. На гэтым фоне беларускія 5 тысяч глядзяцца і зусім сціпла. Прычым, у параўнанні з мінулым годам, гэта лічба паменшылася на восем працэнтаў. З аднаго боку проста лічбы, з другога - за кожным з гэтых працэнтаў стаяць выратаваныя чалавечыя жыцці.
Рэгулярна ў краіне закрываюцца дзясяткі інтэрнэт-магазінаў па продажы спайсаў і затрымліваюцца сотні так званых "мінёраў". А дзякуючы працы на апярэджанне, з'яўленне ў Беларусі легальных міксаў сёння выключана. У спісе наркатычных рэчываў усе базавыя хімічныя структуры, з якіх вырабляюцца спайсы. Яшчэ некалькі гадоў таму МУС выключыла з паняцця "легальны мікс", слова "легальны".
Васіль Лосіч, начальнік ГУНіПГЛ МУС Беларусі:
"Пакуль яшчэ ніводнай дзяржаве не ўдалося пераламаць сітуацыю такім чынам і не тое, што стабілізаваць, а пайсці па шляху паніжэння як злачыннасці, так і нарказалежны асоб. Сёння, я думаю, мы першыя ў Еўропе, каму ўдалося так кардынальна пераламаць сітуацыю".
Ёсць у гэтым заслуга і нашумелага антынаркатычнага дэкрэту. Тэрміны больш, смельчакоў менш. Зараз за пазапраўнае абарачэнне наркотыкаў у турму можна трапіць на 25 гадоў. Першы драгдылер па 5 частцы 328 артыкула ўжо асуджаны.
Гэты прыгавор прагучаў у Бабруйску, чалавек на ўслоне падсудных, можна сказаць, першапраходзец. Боку абвінавачання ўдалося даказаць, што ад метадону, які ён прадаў, загінулі чатыры чалавекі, двое ў Слуцку, двое ў Глуску. 25 гадоў пазбаўлення волі не толькі за продаж наркотыкаў, але і за наступствы.
Яны супраць не толькі наркотыкаў. Сутэнёрства, гандаль людзьмі, гвалт над дзецьмі - усе гэтыя злачынствы жорстка караюцца. І зараз яшчэ адна прапанова МУС - узмацніць жорсткасць пакарання за захоўванне дзіцячай парнаграфіі і грумінг. Грумінг - гэта псіхалагічная апрацоўка дзяцей у Інтэрнэце, гэтым усё часцей карыстаюцца педафілы.
Усё гэта зараз прапішуць у законе, і надалей такое зло будзе жорстка карацца. Важна не прапусціць момант.
