Дар'я Домрачава стала мамай

1 Кастрычніка 2016

Такім чынам, пачнем з прыемнай навіны гэтага дня. Дар'я Домрачава стала мамай! З нараджэннем дачкі Дар'ю Домрачаву і Уле-Эйнара Б'ёрндалена павіншаваў Прэзідэнт Беларусі Аляксандр Лукашэнка. Дзяўчынка з'явілася на свет ў 6-й радзільні Мінска.

Ванкувер-2010. Індывідуальная гонка. Дар'я Домрачава выйграе свой першы медаль Алімпіяды - бронзу. Павіншаваць з узнагародай нечакана для самой дзяўчыны да яе падышоў сам Уле-Эйнар Б'ёрндален. Дар'я прызналася: тады яна была шакаваная.

Праз два гады ўпершыню загаварылі: Дар'я і Уле-Эйнар - пара, яны кахаюць адно аднаго. Праз яшчэ некаторы час навіна - Домрачава і Б'ёрндален пажаніліся. Праўда, паведамленне з'явілася 1 красавіка і Дар'я з усмешкай яго парыравала. Не пакінуў магчымасці для здагадак і сам Б'ёрндален. У красавіку гэтага года на прэс-канферэнцыі ён паведаміў: яны з Дар'яй хутка стануць бацькамі. Неўзабаве аб шчаслівай падзеі распавяла і сама Домрачава.

"30 гадоў - цудоўны ўзрост для нараджэння дзіцяці. Восенню я стану маці! Гэтая падзея запланаваная і вельмі жаданая. Сёння - гэта самае галоўнае, што адбываецца ў маім жыцці"

Вось гэтая шостая радзільня на вуліцы Уральскай, дзе сёння раніцай, 1 кастрычніка, Дар'я Домрачава нарадзіла дачку. Вага малой - 3650. Дарэчы, днямі Домрачава і яе муж прыязджалі сюды, каб ацаніць умовы і пагаварыць з галоўным урачом.

Дачка Б'ёрндалена і Домрачавай нарадзілася ў 10:20 раніцы. Аб гэтым нарвежскаму выданню распавёў шчаслівы бацька. Які рост, як назавуць, а галоўнае - як адчуваюць сябе маці і дачка апоўдні ў радзільні гэта тэма нумар 1. Пытанні пакуль без адказаў. Без дазволу Дар'і ўрачы па зразумелых прычынах не могуць даваць каментарыі. Супакоіла ўсіх новаспечаная бабуля. Маці Дар'і Ларыса Аляксееўна распавяла, што ўсё прайшло па плане, маці і дачка адчуваюць сябе цудоўна.

Старонкі ў сацсетках знакамітых бацькоў поўняцца віншаваннямі.

А ў "Інстаграм" Дзмітрыя Губерніева балельшчыкі ўжо прадракаюць алімпійскія перамогі нованароджанай малой.

Дар'я Домрачава не рабіла паўзу ў трэніроўках нават падчас цяжарнасці. Трохразовая алімпійская чэмпіёнка пасля нараджэння дачкі збіраецца вярнуцца ў спорт. Тым больш што па прыклад удалага камбэка Дар'і далёка хадзіць не трэба. Вольга Назарава - маці траіх дзяцей - пасля нараджэння першых двух двойчы вярталася ў біятлон. І выйграла бронзу чэмпіянату свету.

У сярэдзіне ліпеня ў "Інстаграме" Домрачавой і Б'ёрндалена з'явілася вось гэтая фатаграфія з аднолькавым подпісам на трох мовах - нарвежскай, англійскай і рускай. "Які цудоўны дзень", - напісалі закаханыя ў дзень свайго вяселля. Зараз у пары ёсць яшчэ адна шчаслівая дата. 1 кастрычніка 2016 - дзень нараджэння іх дачкі. Паводле слоў таты, проста прыгажуня, гэта першае дзіця для абодвух бацькоў, і гэта галоўная падзея ў жыцці.


Папулярныя

Рэкамендуемыя

Зараз чытаюць

Рэкамендуемыя