Новы тыдзень (пачатак мая) Беларусь сімвалічна сустрэне Днём працы. Больш за стагоддзе таму гэта свята стала сімвалам салідарнасці ўсіх працоўных свету. Сёння абавязковым атрыбутам дня стала насычаная забаўная праграма ў кожным горадзе Беларусі. Так, у Мінску святочныя арт-прасторы разгорнуцца ў парках і скверах кожнага раёна сталіцы. А гістарычны цэнтр горада ахопіць фестываль прыгажосці і вулічнага дызайну - мастакі прапануюць творчыя сюрпрызы Мінску да 950 дня нараджэння беларускай сталіцы.
Ігар Юркевіч, намеснік старшыні Мінгарвыканкама:
"Мінчанам і гасцям сталіцы ёсць што выбраць. Так, сёння адкрываецца мотасезон, адбываецца новае цікавае мерапрыемства - злёт караванераў. Прыбыла больш за 500 экіпажаў з 15 краін свету. 1 мая таксама будзе адкрыты традыцыйны летні сезон у Верхнім горадзе фестывалем беларускай культуры "Вытокі". Таксама свае гулянні пройдуць у кожным раёне сталіцы".
Улічваючы маштабную і насычаную праграму, галоўная задача для ўлад Мінска - прыкласці ўсе намаганні, каб не ламаць звыклы рытм гараджан і стварыць усе магчымыя ўмовы, каб гэты дзень прайшоў спакойна і сапраўды святочна.
Ігар Юркевіч, намеснік старшыні Мінгарвыканкама:
"Таксама ў гарвыканкам паступілі 3 заяўкі на правядзенне масавых мерапрыемстваў. Каб не ствараць праблем у плане бяспекі і гарантаваць камфортнае знаходжанне ў горадзе мінчанам і гасцям сталіцы, мы прынялі рашэнне адмовіць у дэманстрацыі Федэрацыі прафсаюзаў Беларусі. Узгоднена правядзенне мітынгу ў парку Перамогі і таксама разгледжаны дзве заяўкі, узгоднена правядзення мітынгаў у традыцыйных месцах па рашэнні Мінгарвыканкама. Іншыя мерапрыемствы несанкцыянаваныя".
Сёння святам беларускай культуры ў Верхнім горадзе стартуе летні турыстычны сезон. На два дні вулачкі гістарычнага цэнтра Мінска напоўняцца каларытам беларускіх нацыянальных рамёстваў, музычных і творчых традыцый.. Прычым нацыянальнымі колерамі дзясяткаў народаў свету Верхні горад будзе афарбоўвацца кожныя выхадныя.