Актыўная фаза пройдзе на пляцоўцы БелАЭС. Сачыць за ходам вучэбных манеўраў запрошаны замежныя назіральнікі.
Паводле звестак МНС Беларусі, падчас вучэнняў будуць задзейнічаны 274 чалавекі асабовага складу і 52 адзінкі тэхнікі. Асноўная група прадстаўлена выратавальным ведамствам. Згодна з легендай, удзельнікам (а гэта таксама вайскоўцы, прадстаўнікі МУС, Мінэнерга і Мінаховы здароўя) трэба адпрацаваць сумесныя дзеянні ва ўмовах магчымага заражэння. Па выніках будзе адкарэкціраваны знешні аварыйны план Беларускай атамнай электрастанцыі.
Маючыя адбыцца заняткі сёння абмеркавалі ў Мінску падчас дзясятага пасяджэння каардынацыйнага савета па надзвычайных сітуацыях АДКБ.
Уладзімір Вашчанка, Міністр па надзвычайных сітуацыях Беларусі: "Сумесная работа дае добрыя вынікі як у змяншэнні людскіх страт, так і эканамічных кожнай дзяржавы. І я ўпэўнены, што ў далейшым гэта будзе спрыяць абароне насельніцтва на тэрыторыі нашых дзяржаў".
Уладзімір Вашчанка падкрэсліў: гэта праверка гатоўнасці сістэмы аператыўнага рэагавання. Праводзячы вучэнні, Беларусь дзейнічае ў строгай адпаведнасці з рэкамендацыямі Міжнароднага агенцтва па атамнай энергіі і зыходзіць з безумоўнай прыярытэтнасці пытанняў гарантавання бяспекі пры рэалізацыі нацыянальнай ядзернай энергетычнай праграмы.
