Спас на вадзе, або Мядовы, або Макавей адзначаюць 14 жніўня праваслаўныя вернікі. Гэты дзень суправаджаецца вынасам крыжа і ўрачыстым асвячэннем рэк, азёр, вадаёмаў. Таксама ў храмах асвячаюць новы ўраджай мёду і макавыя пірагі. 14 жніўня ў праваслаўных хрысціян пачынаецца Успенскі пост, які прадоўжыцца два тыдні. Па сваёй строгасці ён набліжаецца да Вялікага.
Мядовы - першы з трох жнівеньскіх спасаў. Наперадзе Яблычны, які адзначаецца 19 жніўня, а 29-га - Хлебны або Арэхавы. Гэтыя праваслаўныя святы звязаны з земляробскім календаром, калі выспявалі садавіна і гародніна.
