У Гродне сустрэлі 100-тысячнага бязвізавага турыста з пачатку года. Ім апынуўся 68-гадовы жыхар польскага Беластока Анджэй Кучынскі. Мяжу ён перасек у складзе турыстычнай групы, якая прыехала ў рэгіён на два дні. У праграме наведванняў гасцей з Польшчы былі запланаваныя знакавыя гістарычныя месцы абласнога цэнтра, старыя і новыя замкі, музеі. Урачыстая ж сустрэча юбілейнага турыста для ўсіх стала прыемнай нечаканасцю. У якасці падарунка Анджэй Кучынскі атрымаў запрашальны білет на Фестываль нацыянальных культур, які пройдзе ў Гродне ў наступным годзе.
Нагадаем, ужо з 10 лістапада тэрыторыі Брэсцкай і Гродзенскай абласцей будуць аб'яднаныя ў адну бязвізавую зону. Што дазволіць замежным турыстам бесперашкодна наведваць абодва рэгіёны.
100-тысячнага бязвізавага турыста сустрэлі ў Гродне
22 октября 2019