Беларускія вайскоўцы прыбылі ў Кыргызстан на сумесныя вучэнні АДКБ "Узаемадзеянне-2018". У іх таксама прымуць удзел воінскія кантынгенты ад Арменіі, Казахстана, Кыргызстана, Расіі і Таджыкістана. Манеўры пройдуць на горным палігоне Эдэльвей з 8 па 13 кастрычніка. Нашу краіну прадстаўляе аператыўная група Міністэрства абароны, а таксама падраздзяленне ад Сіл спецыяльных аперацый - усяго каля 100 чалавек.
Камандна-штабное вучэнне плануецца правесці ў 2 этапы. Спачатку пройдзе сумесная аперацыя па лакалізацыі ўзброенага канфлікту. Пасля будуць адпрацаваны элементы блакіравання і знішчэння ўмоўных бандфарміраванняў у зонах сумесных дзеянняў.
