У Барысаве праблемная дарога

18 Ліпеня 2014
Жыхары адной з самых старых частак горада - вуліцы Шасэйнай - стаміліся на ёй спатыкацца. Кажуць, праблеме ўжо шмат гадоў, але абвастрылася яна калі дарожнікі задумалі рамонт. Незадаволены мясцовыя жыхары якасцю будаўнічага матэрыялу. У ім сустракаюцца прымесі - дошкі і цвікі. Дарожнікі са скаргамі катэгарычна не згодныя. Якасць работ ацаніла наш карэспандэнт Таццяна Кашпур.

Вуліца хоць і мае гучную назву, але да шашы ёй далёка, як Барысаву да сталіцы. Бітая цэгла ўперамешку з дошкамі і нават валёнкамі, мяркуючы па фота, зробленым незадаволенымі суседзямі, вось той падмурак, на якім трымаецца частка вуліцы Шасэйнай.
Дарожнікі такія цікавыя экзэмпляры называюць другасным друзам. Ён атрымліваецца пры драбненні бетону, цэглы і асфальту. Гэта і ёсць будаўнічае смецце. Усё як мае быць.
Зараз непрыгожы пласт асновы пакрывае роўны пясок і жвір. Нехуткасная шаша, вядома, але жыць можна. Але мясцовыя жыхары сцвярджаюць, што парадак рабочыя навялі зусім не з-за спагадлівасці да праблем землякоў.
Новае пакрыццё засыпала люкі. Гэта вельмі небяспечна - адзначылі ў МНС. У выпадку пажару няма адкуль будзе браць ваду. Камунальшчыкі абяцалі выправіць гэта ўжо сёння. Будзем спадзявацца, што не хлусяць.
Закранулі за жывое людзей і новыя адкрытыя факты. У водаканале ім сказалі, што па праекце на вуліцы вось ужо як 20 гадоў ляжыць асфальт. Жыць яго адсутнасць не перашкаджае, вядома, але ўсё роўна крыўдна. Дарожнікі ж паказваюць свае дакументы. У іх у планах на Шасэйнай пакрыццё дарогі жвіровае.