Да Малінаўкі без перасадак даехаў Аляксей Кандраценка.
Плюс адна станцыя, трафік больш эфектыўны. У жыхароў мікрараёнаў Малінаўка, Брылевічы, а таксама ўсёй паўднёва-заходняй часткі горада ёсць нагода змяніць тайм-менеджмент. Дабрацца да цэнтра або іншага канца горада зараз можна больш аператыўна.
Гатоўнасць нумар адзін станцыі Малінаўка Мікалай Ладуцька праверыў асабіста. Дыспетчарская, вестыбюль, турнікеты і ўсе тэхнічныя сістэмы ў норме. Але галоўнае - бяспечны рух саміх цягнікоў. Каб пераканацца ў гэтым асабіста, мэр на час становіцца пасажырам.
Тэхнічная абкатка цягнікоў - меры неабходныя. Перш чым электрычкі пойдуць па маршруце, на працягу некалькіх дзён іх тэсціруюць.
Павел Царун, начальнік прадпрыемства Дырэкцыя па будаўніцтве Мінскага метрапалітэна: Зараз метрапалітэн вядзе абкатку 40 кіламетраў за гадзіну, але давядзе да 80 кіламетраў.
Малінаўка - 29-я станцыя Мінскага метрапалітэна. Яе пабудавалі за 4 гады. Разам з гэтым павялічылася колькасць саставаў і вагонаў.
Павел Царун, начальнік прадпрыемства Дырэкцыя па будаўніцтве Мінскага метрапалітэна: Дадзены ўчастак складае 1850 метраў. Для падтрымання інтэрвалу 2 хвіліны Мінскі метрапалітэн закупіў 5 рухомых саставаў. Кожны складаецца з 5 вагонаў. Яны аўтаматычна ўключаюцца ў працу пры адкрыцці станцыі.
Фісташкавы колер, неонавае святло і птушкі малінаўкі. Інтэр'ер новай станцыі - сучасны і каларытны. Пры гэтым для пасажыраў, у тым ліку людзей з абмежаванымі магчымасцямі, максімальны камфорт.
Валерый Чаканаў, дырэктар Мінскметрапраекта: Тут тэма саду. Калоны падобныя на дрэвы ў белых і зялёных тонах. А па цэнтры асаблівыя калоны, на якіх птушкі. Яны сімвалізуюць і пацвярджаюць назву Малінаўка. А самі літары ў назве, на маю думку, самыя прыгожыя на станцыях метрапалітэна.
Такім чынам, новая станцыя адкрыецца ўжо на наступным тыдні. Пра канкрэтны дзень стане вядома пазней. З таго моманту ў мінчан і гасцей горада з'явіцца магчымасць не толькі зручна перамяшчацца па сталіцы, але і любавацца падземным садам з птушкамі малінаўкамі.
