Сёння раніцай у ДТЗ загінулі два чалавекі

Інцыдэнт адбыўся на 19-м кіламетры аўтадарогі Мінск - Мікашэвічы. Як паведамілі ў ДАІ, у грузавіка Iveco адляцела задняе кола. Вадзіцель спыніўся ў сваёй паласе руху, уключыў аварыйную сігналізацыю і выставіў знак прыпынку. Аднак гэтыя меры бяспекі не прадухілілі трагедыі. Праз некалькі хвілін у фургон уехаў Ford Focus. Машына на поўным ходзе знесла аварыйныя знакі. Загінуў вадзіцель легкавушкі - пенсіянер, і жанчына, якая сядзела побач. Другая пасажырка у цяжкім стане зараз знаходзіцца у рэанімацыі. Верагодна, прычынай аварыі стала паношаная гума на колах аўтамабіля Ford.