Расказвае Андрэй Казлоў: Кажуць, што ў беларускага спорту жаночы твар. Героі нашай сённяшняй рубрыкі Матчбол - Дар'я Домрачава і Вікторыя Азаранка. Даша рыхтуецца да хуткай Алімпіяды у Сочы, а Вікторыя гэтай ноччу стартуе на турніры ў Аўстраліі.
Два гады запар Вікторыя Азаранка на Адкрытым чэмпіянаце Аўстраліі толькі перамагала. У 2012 - беларуска разграміла Марыю Шарапаву. Мы добра памятаем гэтыя кадры.
Праз год Вікторыя не пакінула шансу кітаянцы Лі На. А пасля перамогі расплакалася.
Аднак на гэты год Вікторыя будуе вельмі асцярожныя планы. Са сваёй галоўнай саперніцай - амерыканкай Серэнай Уільямс - беларуска можа сустрэцца толькі ў фінале.
Вікторыя Азаранка, другая ракета свету (Беларусь): Нас чакаюць буйныя і прэстыжныя спаборніцтвы. Я павінна з павагай і увагай ставіцца да кожнага саперніка, таму што ўсе рыхтаваліся і вельмі жадаюць перамагчы. Вядома, калі мне давядзецца сустрэцца з Серэнай Уільямс, то ў мяне будзе павышаная матывацыя. Яна правяла неверагодны сезон.
У першым крузе Вікторыі дасталася пасля жэрабя не самая моцная саперніца - тэннісітка са Швецыі Яхана Ларсан. А вось далей па турнірнай сетцы беларуска можа сустрэцца таксама і з Марыяй Шарапавай. Але ж здорава, што Вікторыя падыходзіць да турніру ў добрым настроі.
Вікторыя Азаранка, другая ракета свету (Беларусь): Што датычыцца мяне, то я выдатна падрыхтавалася да Australian Open на турніры ў Брысбэне, дзе правяла некалькі матчаў з рознымі па стылі саперніцамі. Гэта выдатны пачатак сезона. Я вельмі люблю Аўстралію, і кожны раз з задавальненнем вяртаюся сюды. Мая любоў да гэтай краіны пачалася яшчэ з першага візіту сюды ў юніёрскім узросце. Тут выдатная публіка і вельмі дружалюбная атмасфера для гульцоў.
Стартавы матч Вікторыі Азаранкі на аўстралійскім турніры, першым у сезоне Вялікага шлема, пройдзе гэтай ноччу, у тры па беларускім часе.
Яшчэ адна красуня беларускага спорту - Дар'я Домрачава - на этапе Кубка свету па біятлоне у нямецкім Рупольдзінгу ўзяла яшчэ адзін медаль. Але завяршыла перадапошні этап перад Алімпіядай у Сочы не вельмі ўдала.
Пасля трохмедалёвага этапу ў Аберхофе Даша выступіла не вельмі ўдала ў другой нямецкай біятлоннай трасе - Рупольдзінгу. Толькі адзін медаль, сярэбраны, у індывідуальнай гонцы. Але ж таксама п'едэстал.
Добра выступіла і другі номер нашай каманды - Надзея Скардзіна, якая з ідэальнай стральбой стала сёмай.
Наступная гонка склалася горш і для Дар'і, і для Надзеі. У выніку - 12 і 9 месцы. Але ж пяты этап Кубка свету, вядома, зусім не падстава рабіць высновы наконт Алімпіяды ў Сочы.
Зборная Беларусі па гандболе сёння згуляе на чэмпіянаце Еўропы супраць Харватыі. Галоўны трэнер падчас провадаў каманды на турнір расказаў, што залежнасць ад гульні лідара Сяргея Рутэнкі ўдалося знізіць - з'явілася большая варыятыўнасць атакі.
15 студзеня гуляем супраць Швецыі, 17 - супраць Чарнагорыі.
На гэтым тыдні у матчы еўракубка сустрэнуцца лепшыя беларускія валейбольныя клубы - Шахцёр і Будаўнік. Напрыканцы тыдня пройдзе апошні перад Алімпійскімі гульнямі этап Кубка свету па біятлоне. Вядома, балеем за Вікторыю Азаранку. У беларускім спорце заўсёды ёсць шмат цікавага - сачыце за гэтым з рубрыкай Матчбол.
