Наш карэспандэнт Якаў Бута таксама пазнаёміўся з тэхнікай бяспекі.
Перад рабочай групай па ахове працы ўсе дзверы ў літаральным сэнсе адчыненыя. Праверка (планавая або раптоўная) можа прайсці на любым прадпрыемстве. На гэты раз пачалі з ўзорна-паказальнага.
На пытанне няшчасныя выпадкі былі? дырэктар з гонарам адказвае: за апошнія дзесяць гадоў ніводнага. Рабочая група сур'ёзных парушэнняў таксама не заўважыла. Рухаюцца далей. Беларуска-нямецкая кампанія. Заходнія тэхналогіі ўкараняюць і ў галіне аховы працы.
У тралейбусным парку № 2 усе сцены завешаныя плакатамі па тэхніцы бяспекі.
Асаблівую ўвагу ў тралейбусных парках надаюць электрабяспецы. Усе работнікі, якія абслугоўваюць тэхніку, надзяваюць спецыяльныя пальчаткі. Яны вытрымліваюць напружанне да тысячы вольт.
Такія рэйды праходзяць пастаянна і дапамагаюць знізіць колькасць траўмаў і няшчасных выпадкаў на вытворчасці. З пачатку года ў Мінску загінула 13 работнікаў.
Летась за гэты ж перыяд на аднаго чалавека больш. Больш за ўсё парушэнняў на будпляцоўках.
Па выніках такіх праверак удзельнікі рабочай групы выказваюць свае заўвагі, аддзел аховы працы іх рэзюмуе і разам з кіраўніцтвам арганізацый працуе над ліквідацыяй парушэнняў.