У сталіцы разгляд чарговай справы п'янага вадзіцеля стала сенсацыяй. Вадзіцель аднаго мінскага прадпрыемства выехаў на маршрут у стане алкагольнага ап'янення. Інспектары злавілі яго на вуліцы Каменнагорскай 4 снежня каля 9 гадзін раніцы. Пазней экспертыза пацвердзіла падазрэнні - у крыві 32-гадовага мужчыны ўтрыманне алкаголю хай і нязначнае, але перавышала дапушчальныя нормы. З-за п'янага вадзіцеля прадпрыемства пазбавілася пагрузчыка коштам больш за паўмільярда рублёў. Больш за тое, суд абавязаў самога парушальніка выплаціць штраф - звыш 5 мільёнаў рублёў.
Сяргей Дудчык, намеснік начальніка АДАІ Фрунзенскага раёна г. Мінска: На момант учынення злачынства ён прад'явіў вадзіцельскае пасведчанне трактарыста, якое не канфіскоўвалася пры прыцягненні яго да адміністрацыйнай адказнасці ў кастрычніку. Такім чынам, ён утаіў ад кіраўніцтва факт, што быў пазбаўлены правоў.
Адказваць за дзеянні асуджанага давядзецца і яго кіраўніцтву. Адсутнасць кантролю, невыкананне правілаў бяспекі аховы прадпрыемства - такі няпоўны спіс выяўленых парушэнняў у працы арганізацыі. Дастаткова сказаць, што мужчына не мог пачаць працу, пакуль не пройдзе праверку на алкатэстары.
