Але абсалютная большасць запазычанасцяў некрытычная - ад месяца да трох. Але ёсць і такія, хто не плаціць за кватэру гадамі. Зараз суды Мінска разглядаюць 96 такіх спраў. Каго і калі высяляюць за неаплату камунальных паслуг? Са злоснымі неплацельшчыкамі пазнаёмілася Антаніна Станкевіч.
Даволі добрыя і надзейная жалезныя дзверы, утульны тамбур з кветкамі і дзіцячым веласіпедам. Паверыць у тое, што тут жыў злосны неплацельшчык, вельмі складана. Але непрыемны пах, які прасочваецца праз неахайныя дзверы, красамоўна сведчыць, што і не такое ў жыцці бывае. Заходзім у кватэру. Паўсюль брудныя рэчы, пустыя бутэлькі і нечакана нядрэнная калекцыя кніг. Чаму былы ўладальнік гэтай кватэры дайшоў да такога жыцця, застаецца загадкай.
А гэта новая кватэра нядбайнага гаспадара. Раён крыху горшы, ды і сам дом выглядае даволі непрэзентабельна. На вокнах - ніякіх фіранак, а на дзвярах - амбарны замок.
Так што пазнаеміцца з неплацельшчыкам і задаць яму некалькі пытанняў не атрымліваецца. Але спецыялісты раённых ЖРЭА ахвотна расказваюць: проста так ніхто нікога не выселіць.
Большасць тых, хто даводзіць справу да суда, вядуць асацыяльны лад жыцця. Але ёсць і выключэнні. А таму спачатку людзей некалькі разоў папярэджваюць пра неабходнасць своечасова аплачваць камунальныя паслугі. Некаторых гаспадароў нават знаходзяць за мяжой.
Каб стаць кандыдатам на высяленне, дастаткова не аплачваць камунальныя паслугі на працягу 6 месяцаў. Зараз у сталіцы налічваецца каля 27 тысяч пратэрмінаваных асабістых рахункаў. 96 спраў пра высяленне разглядаюцца ва ўсіх судах сталіцы.
