У чым спецыфіка вытворчасці салодкага прадукту і дзе рыхтуюць прафесійных спецыялістаў мядовай індустрыі - знайшоў адказы Аляксей Кандраценка.
Яшчэ некалькі хвілін і тэарэтычная частка экзамену скончыцца. З добрымі ведамі на практыцы больш упэўнены ў сабе. 10 школьнікаў з усёй Беларусі спаборнічаюць за званне лепшага пчаляра. Наталля - адзіная дзяўчына на конкурсе - прыехала з Уздзенскага раёна. Шчотка, стамеска і дымар - усё, што трэба, каб пчолы зразумелі хто тут гаспадыня.
Стандартная пчаліная сям'я - прыклад надзвычай фантастычнай дэмаграфіі. У кожным такім вуллі пражываюць у сярэднім 50 тысяч пчол. Галоўная задача юных пчаляроў - вызначыць і ацаніць іх жыццяздольнасць. Работу ацэньвае журы: прафесіяналы з Беларускага саюза пчаляроў.
Сёння прафесійных бортнікаў ў Беларусі рыхтуе толькі Смілавіцкі аграрны каледж. Ды і тое - завочна. Пчалярамі хочуць стаць нямногія. Хтосьці працягвае дынастыю, але цікавасць да прафесіі не знікае.
Мала хто задумваецца, але мёд - не толькі смачны і карысны прадукт. Пчолы - руплівыя памочнікі і ў сельскагаспадарчых справах. Гэтыя крылатыя насякомыя сваім апыленнем павялічваюць ураджайнасць многіх культур на 30 - 50%. Істотны ўклад у вялікую справу харчовай бяспекі.
