Навагоднюю казку падарылі дзецям і на губернатарскай ёлцы ў Віцебску

Аляксандр Косінец асабіста павіншаваў хлопчыкаў і дзяўчынак з усіх раёнаў вобласці. Трапіць на такое мерапрыемства мараць усе, але запрашэнне атрымліваюць лепшыя з лепшых. Каб прыехаць на галоўную ёлку вобласці, шматлікім хлопчыкам і дзяўчынкам прыйшлося пераадолець не адну сотню кіламетраў. У Віцебску дзеці прабылі два незабыўныя дні. Школьнікам наладзілі экскурсіі па горадзе. Яны наведалі самыя цікавыя музеі абласнога цэнтра. І, вядома, ніхто не застаўся без падарункаў.