Так спецыялісты Мінскіх цепласетак правяраюць падземныя камунікацыі. Напярэдадні ў кацельні "Кедышка" ваду афарбавалі флуарэсцэінам. Гэта своеасаблівы індыкатар, дзякуючы зялёнаму колеру можна выявіць адразу некалькі непаладак. Выпрабаванне закранае Першамайскі і Савецкі раёны. Юлія Токар з падрабязнасцямі.
Як і ў жыхаркі 50-й кватэры, у 42-й такая ж сітуацыя. На гэтым тыдні з-пад крана гарачай вады ішла зялёная. Крыху пазней ў доме на Валгаградскай яе ўвогуле адключаць. Вольга Латыш - матуля дваіх маленькіх дзяцей - адзначае, што сітуацыя не новая для іх.
Уся справа ў тым, што на гэтым тыдні спецыялісты Мінскіх цеплавых сетак пачалі даследаванні падземных камунікацый. На трываласць трубы правяраюць не праз цеплавізар альбо акустычным метадам, а з дапамогай індыкатара. Ваду, якая паступае ў батарэі, афарбавалі флуарэсцэінам. І па законах хіміі яна стала зялёнай.
Эксперымент закрануў толькі Савецкі і Першамайскі раёны, менавіта іх абслугоўвае кацельня "Кедышка". А вось той факт, што з-пад крана ў жыхароў пайшла зялёная вада, сведчыць пра паломку. Сеткавая змяшалася з пітной. І гэта той выпадак, калі без афарбоўкі парушэнні ў інжынерным абсталяванні нельга было заўважыць.
А ў сувязі з тым, што такая каляровая вада непрыдатная для піцця, падачу гарачай у кватэры часова спынілі.
У Мінску мадэрнізацыя падземных камунікацый ладзіцца пастаянна. Напрыклад, па вуліцы Валадзько рэканструкцыя закранула цеплавую камеру, а трубы-старажылы замяняюць на сучасныя, так званыя ПІ-трубы. Яны абаронены ад знешніх уздзеянняў, таму і меньш схільныя да карозіі - асноўнай прычыны непаладак.
Сёння ўжо трэць цеплатрасы перакладзена. І калі адзначыць той факт, што мінская - адна з самых працяглых сярод гарадоў СНД, можна зразумець, што рамонт - справа не аднаго дня.
У перспектыве, калі па ўсёй магістралі з'явяцца сучасныя камунікацыі, так званыя ПІ-трубы, у Мінску можна будзе адмовіцца ад сезонных адключэнняў гарачай вады. Квартал Залатой горкі першы, хто ўжо гэтым летам не браў двухтыднёвую паўзу на тэсціраванне труб.
Некаторыя жыхары сталіцы заўважылі ў кранах гарачай вады зялёную
23 ноября 2019