Займальныя гульні, выстава-продаж грызуноў і нават цырымонія вымярэння даўжыні пітона. І без малога 5 тысяч наведвальнікоў… Сёння свой ??29-ы дзень нараджэння святкуе Мінскі заапарк. З самага калючага, пухнатага і куслівага свята - рэпартаж Улады Карніцкай.
Усе ўваходы і выхады перакрытыя. Толькі сёння - у дзень нараджэння Мінскага заапарка - усіх рэптылій выпусцілі на волю. Праўда, пад аховай герпетолагаў.
Знаёмцеся: гэтага пітона завуць Клеапатра. Галоўная інтрыга дня - гэта вымярэнне даўжыні Клеапатры. Гэты працэс абсалютна бяспечны, запэўніваюць спецыялісты. Па-першае, герпетолаг, які непасрэдна і займаецца здыманнем меркі з рэптыліі, загадзя добра вывучыў характар ??і звычкі Клеапатры, а па-другое, мыска змяі звязаная. Замеры робяцца звычайнай вяроўкай. Не папугаямі.
Клеапатра зараз знаходзіцца ў самым росквіце змяіных сіл - ёй амаль 15 гадоў. Важыць пітон больш за70 кг. Каб выпаўзці на абмерку з тэрарыума, пітону спатрэбілася хвілін 20. І выпаўзла Клеапатра нездарма. Вынік замераў работнікаў заапарка парадаваў - 6 метраў 85 сантыметраў. Дарэчы, гэтая лічба будзе занесена ў новую кнігу рэкордаў заапарка, якая існаваць пачынае з гэтага дня.
Выстава-продаж грызуноў, конкурс малюнкаў на асфальце, займальныя гульні і забавы. Павіншаваць заапарк са святам прыйшлі і артысты беларускай эстрады. Усё сёння працуе ў святочным рэжыме - выставы жывёл, летнія кафэ, сувенірныя магазіны і дэльфінарый. Без настрою адсюль ні сёння, ні ў любы іншы дзень года не пойдзе ніхто.
Сёння Мінскі заапарк стаў домам амаль для паўтысячы відаў істот, а гэта тры тысячы жывёл з трапічных джунгляў, глухой тайгі, пустынь, стэпаў і гор.
Меню ў звяркоў разнастайнае. Цікава, што за год гэтыя гадаванцы з'ядаюць больш за 40 тон сена, агародніны і садавіны, амаль 10 тон рыбы і на 20 тон больш мяса. І нават 8000 сушаных венікаў. Менавіта венікі - любімы ласунак вярблюдаў.
