Уладзімір Каралёў падрабязна.
Выразны сінхронны крок, адточаны рух, даведзены да аўтаматызму. У Дзень Незалежнасці традыцыйна сваё майстэрства прадэманструе зводная рота ганаровай варты.
Ад 185-ці і вышэй. Сінхроннасць рухаў напярэдадні вечарам элітнае падраздзяленне рэпеціравала ля стэлы Мінск - горад-герой. Менавіта тут 3 ліпеня і пройдзе выступленне роты. Зрэшты, нават гэтае невялікае мерапрыемства не застаецца без увагі прахожых.
Каб падчас свята не было ніякіх беспарадкаў, боты ваеннаслужачых прывыкаюць да пляцоўкі не першы і не апошні раз. Кожную такую рэпетыцыю ДАІ горада перакрывае ўчастак праспекта ля стэлы. З дзесяці вечара да паўночы тут не самы інтэнсіўны рух, і цяжкасцяў з праездам не ўзнікае.
Уся цырымонія зойме менш за паўгадзіны, аднак дзеля гэтага выступлення яны днямі трэніраваліся на пляцы. Чым бліжэй да свята, тым больш рэпетыцый.
У панядзелак рота ганаровай варты заканчвае тут чаканіць свой крок, а вось рэпетыцыі парада толькі пачнуцца. Чакаецца, што генеральныя трэніроўкі пад гул ваеннай тэхнікі пройдуць 27 і 29 чэрвеня.
