Рэйды праводзяць не толькі ратавальнікі, але і маладзёжныя актывісты. Адпачывальнікам раздаюць памяткі і тлумачаць правілы бяспекі. Наш карэспандэнт Якаў Бута даведаўся, дзе можна, а дзе нельга гатаваць шашлык.
Гэты выпадак адзін з самых бяскрыўдных. Сямейная пара з запасам вады, вогнетушыцелем у машыне і, што важна, без алкаголю вырашыла прыгатаваць шашлык. Небяспека пажару, вядома, ёсць, але адпачывальнікі запэўніваюць: у іх усё пад кантролем.
Але для інспектара гэта не аргументы. Тут нават у мангале разводзіць агонь адназначна нельга. Тым больш што непадалёк ёсць спецыяльна прызначаныя для гэтага месцы.
Парушальнікаў дзясяткі за кожны рэйд. Асабліва небяспечныя п'яныя кампаніі. Акрамя ратавальнікаў, цэлыя рэйды праводзяць маладыя актывісты. Раздаюць адпачывальнікам агітацыйныя лістоўкі і тлумачаць правілы бяспекі.
Падобныя рэйды зараз праводзяцца на ўсіх папулярных сталічных вадаёмах. А з учарашняга дня ў Мінску ўведзена поўная забарона на наведванне гарадскіх лясоў, дзе небяспека узгарання максімальная.
