Каштоўнасці, выратаваныя брэсцкімі мытнікамі, Мінск бачыць упершыню. Але больш за дзесяцігоддзе іх збірае абласны краязнаўчы музей Брэста. Больш дакладна, яго філіял. Гэта адзіная на тэрыторыі не толькі Беларусі - усяго былога Саюза - установа, што захоўвае культурны канфіскат. За апошнія дзесяць гадоў Брэсцкай мытняй канфіскавана каля ста тысяч прадметаў, якія маюць гісторыка-культурную каштоўнасць. Па-ранейшаму, незаконна вывезці спрабуюць прадметы культа, творы мастацтва і антыкварыят.
З брэсцкіх збораў у сталіцу прывезлі каля 300 экспанатаў. Гэта нумізматыка ад шостага да дваццатага стагоддзяў, старажытны рускі іканапіс ад канца 18 стагоддзя. Усходняя культура прапанаваная персідскімі дыванамі, зброяй і паясамі, зробленымі з каштоўных камянёў.
Асобную ўвагу музейшчыкі звяртаюць на рыжскае шкло - яму аддадзены цэнтральныя вітрыны. Гэта не проста хрусталь - ён аздоблены срэбрам. Кітайскія дэкаратыўныя накладкі. Рарытэтныя кніжныя выданні…Тое, што прапанаваў для выставы Брэст - з ранніх здабыткаў музея выратаваных каштоўнасцяў. На думку мытнікаў, рынак кантрабанды мяняецца адпаведна часу.
І яшчэ дзіўная тэндэнцыя. Калі раней рарытэты па-за закону толькі вывозілі, то сёння да нас увозяць! Мабыць, у будучых экспазіцыях музея з'явяцца і яны.