Аляксандра Драгун больш падрабязна пра конкурс.
Шэсць удзельніц - дзве каманды. Вучаніцы сталічных каледжаў гандлю змагаюцца за лідарства ў гарадскім конкурсе прафмайстэрства. Сёння, бадай, самы адказны дзень - практычны. Пачынаюць з афармлення ўласных вітрын.
Чай, кава, крупы, кандытарскія вырабы, а таксама элементы дэкору. Пакуль працуюць толькі з харчовымі таварамі. На ўсё - 20 хвілін.
Пасля афармлення імправізаваных вітрын канкурсанткі пераходзяць да рэальных пакупнікоў і тавараў. Аддзелы посуду, тканіны, спорту. На рабочых месцах ацэньваюць як знешні выгляд удзельніц, так і базавыя навыкі.
Дарэчы, ветлівасць і цярпенне патрэбны і падчас спаборніцтва. Адно з выпрабаванняў - канфліктная сітуацыя з пакупніком, якую трэба самастойна вырашыць.
У выпускнікоў гандлёвых каледжаў амаль 100-працэнтнае працаўладкаванне. Дарэчы, пасля спецыяльных курсаў і падрыхтоўкі праявіць сваё майстэрства студэнты змогуць падчас чэмпіянату свету па хакеі ў Мінску.
