Сустракаць пераможцаў адправіўся наш карэспандэнт Андрэй Цімашэнкаў.
Ні пустыні, ні месцы гістарычных бітваў, ні нават руіны старажытных гарадоў Расіі не змаглі перашкодзіць аўтамабілям МАЗ удала фінішаваць. На міжнародным ралі-рэйдзе Шаўковы шлях - 2013 беларускія гоншчыкі, нарэшце, пераканалі: перамагаць можна не толькі на расійскіх КамАЗах.
Пераадолець адлегласць больш за 4000 кіламетраў каманда МАЗ-СПОРТаўта адправіліся ў складзе двух экіпажаў. Але трапіць у тройку пераможцаў атрымалася толькі ў 320-га нумара пад кіраўніцтвам Сяргея Вязовіча. Экіпаж пад нумарам 315 у класе Грузавікі фінішаваў шостым - у баявой машыны лопнула кола.
Больш за 100 экіпажаў спартыўных аўтамабіляў з 27 краін свету паспрабавалі трапіць на п'едэстал. Аднак скласці канкурэнцыю беларускаму аўтамабільнаму гіганту змог толькі КамАЗ - першае і другое месцы занялі расійскія гоншчыкі.
Над баявымі машынамі ўдала папрацавалі - яны сталі больш лёгкімі і хуткімі. Некаторыя тэхнічныя палепшанні дазволілі МАЗу максімальна наблізіцца да сваіх канкурэнтаў, а некаторых нават перагнаць. Таму каманда МАЗ-СПОРТаўта лічыць, што на транскантынентальным ралі-марафоне Дакар таксама прадэманструе добрыя вынікі.
Каманда МАЗ-СПОРТаўта вярнулася ў Мінск з Шаўковага шляху з бронзай
16 июля 2013
Беларускія гоншчыкі ўпершыню апынуліся ў ліку прызёраў у класе Грузавікі.