Клумбы ў мінскіх дварах ўжо патанаюць у зеляніне

Свае кветкі яна даглядае кожны дзень. Часлава Грунтова клумбу пад акном разбіла некалькі гадоў таму. Спачатку высаджвала там толькі кветкі, затым разнастаіла кампазіцыю туямі і дрэвамі. Сёлета ўпершыню сакура парадавала суквеццямі.
У свой час жанчына скончыла курсы па ландшафтным дызайне. Галоўнае, чаму навучылі майстроў - расліны павінны жыць у гармоніі. Рассаджваць іх трэба так, каб і зімой клумба радавала сваёй зелянінай. Таму нядаўна тут з'явіліся елкі - іх усім пад'ездам упрыгожваюць на Новы год.
Дарэчы, мінчане ўпрыгожваюць клумбы не толькі кветкамі. Пальмавыя дрэвы з пластыку, лебедзі са старых аўтамабільных шын, багоўкі з будаўнічых касак. Інструкцыі, як стварыць казку пад акном, бяруць у Інтэрнэце.
Але такая творчасць падабаецца не ўсім мінчанам, а эколагі ўвогуле выступаюць супраць. Пальмы з бутэлек ці агароджу з пробак яны называюць смеццем, якім не варта упрыгожваць тэрыторыю пад акном.
Больш за тое, падчас трыццаціградуснай спёкі пластыкавыя ўпрыгажэнні выдзяляюць таксічныя элементы. А падчас дажджу плюшавыя цацкі намакаюць і ператвараюцца ў рыззё.
Ствараць райскія пейзажы пад акном альбо міні-заапаркі супрацоўнікі мясцовых ЖЭСаў заканадаўча забараніць не могуць. Ды і не хочуць такім чынам адбіваць жаданне добраўпарадкоўваць клумбы пад акном.
Аздабляць клумбы ландшафтныя дызайнеры ўсё ж такі раяць прыроднымі матэрыяламі. Агароджа з лазы, грыбкі і млыны з дрэва не толькі дадаюць эстэтычнага хараства, але і не наносяць шкоды здароўю і прыродзе.