250 сталічных школьных лагераў сёння адчынілі свае дзверы для амаль тысяч маленькіх мінчан. Асноўнымі наведвальнікамі традыцыйна з'яўляюцца вучні пачатковай школы. Для дзетак падрыхтавалі забаўныя тэатралізаваныя праграмы, спартландыі і заняткі ў гуртках па інтарэсах.
Як правесці канікулы незабыўна і непаўторна - ведае Марына Мураўёва.
Шахматы, танцы, заняткі на камп'ютары або проста цацкі - кожны маленькі школьнік на канікулах выбірае сабе заняткі па душы. Дзень у школьным лагеры спланаваны пагадзінна. Кожны непаўторны і цікавы.
Пяціразовае харчаванне, хвілінкі здароўя ў класе, - спартландыі. На жаль, свае карэкціроўкі ў планы ўнесла надвор'е. Запланаваныя снежныя баталіі, школьныя каткі і лыжныя трасы чакаюць больш устойлівага мінуса. З першымі маразамі ў сталіцы з'явіцца 8 дзясяткаў раённых каткоў і больш за 20 каробак для хакея. А пакуль можна навучыцца рабіць фігурнае па на мабільным катку ля Палаца спорту.
Дзіцячыя забаўныя цэнтры, гульнявыя лабірынты і разнастайныя кафэ. Апошнія - упадабаныя месцы маленькіх мінчан. Нават дарослым складана абмінуць незвычайны інтэр'ер, яскравае афармленне і арыгінальнае дзіцячае меню.
Пакалядаваць у цягніку, патанцаваць разам з казачнымі героямі запрашае Мінская дзіцячая чыгунка імя Заслонава. Падчас падарожжа у вагонах навагодняга экспрэса персанажы правядуць гульні для дзяцей і іх бацькоў, самых актыўных не пакІнуць без салодкіх падарункаў. Шлях пройдзе праз тры станцыі: імя Заслонава, Піянерская і Сасновы Бор. На апошняй - маленькіх пасажыраў чакае сустрэча з казачнымі героямі, Дзедам Марозам і Снягуркай.














