Недазволеная паркоўка ў цэнтры сталіцы абыдзецца аўтааматарам амаль у 400 тысяч беларускіх рублёў. Дзяржаўтаінспекцыя пачала масава і кругласутачна эвакуіраваць аўтатранспарт, прыпаркаваны неналежным чынам. Пакуль што гэта закране вуліцы Валадарскага, Інтэрнацыянальную, Нямігу і Гарадскі Вал.
Таццяна Харлінская, начальнік прэс-службы ДАІ ГУУС Мінскага гарвыканкама: Праблема парушэння правілаў спынення і стаянкі для цэнтральнай часткі горада сапраўды актуальная. Гэта звязана з высокай інтэнсіўнасцю транспартнага патоку.
Па словах супрацоўнікаў ДАІ, з часам аўтазачыстка закране і спальныя раёны сталіцы. Нагадаем, поўная пагрузка аўто на эвакуатар абыдзецца ў 380 тысяч рублёў. Частковая - каля трох соцень за адну дастаўку.