Напярэдадні вечарам на Алімпійскіх гульнях у Сочы ў гонцы праследавання на 10 кіламетраў яна прыйшла першай з вялікім адрывам ад саперніц.
Гэты медаль стаў першым для беларускай зборнай на Алімпіядзе ў Сочы. Біятланістка атрымлівае віншаванні з усяго свету. Але больш за ўсё за яе рады, вядома, на радзіме, у Мінску.
Сама Даша кажа, што расслабляцца пасля перамогі не будзе. Чакаецца, што Домрачава прыме ўдзел яшчэ ў чатырох стартах: індывідуальнай гонцы, мас-старце, жаночай і змяшанай эстафетах.
