Як расказалі сёння ў аблвыканкаме, ёсць станоўчыя вынікі па экспарце тавараў і паслуг. Расце колькасць індывідуальных прадпрымальнікаў.
Разам з тым не хапае дынамікі ў развіцці будаўнічай сферы і гандлю. Не ўсе раёны спраўляюцца і з прыцягненнем замежных інвестыцый. Больш падрабязна Аляксей Кандраценка.
Значны уклад у развіццё эканомікі цэнтральнага рэгіёна ў сельскай гаспадаркі. Ёсць пэўныя дасягненні ў экспарце прадукцыі. Даведаемся і пра тое, як у Мінскай вобласці будуецца жыллё для шматдзетных сем'яў.
Для тых, хто мае патрэбу ў паляпшэнні жыллёвых умоў, па дзяржпраграме будзе ўзводзіцца 40 % індывідуальнага жылля. Фармат катэджаў усё больш папулярны. Разам з тым будуюць і шматпавярховыя дамы. Агульны аб'ём сёлета - 1 мільён 120 тысяч квадратных метраў, з якіх значная частка для шматдзетных сем'яў.
Больш за 2 мільёны тон збожжа разам з кукурузай. Гэты вынік дасць магчымасць сельгасарганізацыям не проста перазагрузіць аграпрамысловы комплекс, але і атрымаць дадатковы прыбытак на экспарце.
З пачатку года ў цэнтральным рэгіёне стала больш і прадпрымальнікаў, а таксама сярэдніх прадпрыемстваў прыватнага бізнесу. Толькі іх выплаты ў бюджэт перавысілі 1 мільярд рублёў, што на 7 % вышэй за леташні ўзровень. Ёсць станоўчая дынаміка і ў экспарце прадукцыі, дзе асаблівая роля ў Кітая.
Яшчэ адзін важны аспект супрацоўніцтва з Паднябеснай - новыя рэзідэнты індустрыяльнага парка "Вялікі камень". Адна з буйных кітайскіх карпарацый па выпуску медыцынскай тэхнікі і абсталявання плануе замацавацца ў Беларусі.
Эканоміка Мінскай вобласці з пачатку года выканала ўсе пяць ключавых паказчыкаў эфектыўнасці
14 ноября 2019