Свае Першыя крокі ў мастацтве прадэманстравалі вучні сталічнай гімназіі №75. Курыравалі стварэнне экспазіцыі студэнты Беларускага дзяржаўнага педагагічнага ўніверсітэта.
Аб плённым супрацоўніцтве і мове мастацтва - Юлія Токар.
Васьмігадовыя Паліна і Павел сваю першую выставу адкрылі сімвалічнай назвай. Сюжэты пано бралі з навакольнага свету. Гэта іх улюбёныя казачныя героі, радзіма бабулі або цягнік жыцця. У сваіх работах юныя мастакі смела змешваюць колеры і зусім па-даросламу адлюстроўваюць жыццё. Вось, напрыклад, філасофскі погляд у малюнку Мама, тата, я - вялізныя дрэвы сваімі кронамі цягнуцца адно да аднаго, быццам абараняючы сваё дзіцяці. Работы выкананы гуашшу і акварэллю.
Дарэчы, урокі выяўленчага мастацтва, акадэмічны малюнак і жывапіс выкладаюць студэнты выпускных курсаў педагагічнага ўніверсітэта. БГПУ ўжо на працягу пяці гадоў цесна супрацоўнічае з гімназіяй. І штогод тут стажыруюцца не менш як 10 маладых спецыялістаў. Чацвёрты паверх будынка адданы пад майстэрні, дзе і праходзяць факультатывы.
Паліна Чайкова і Павел Лашкоўскі, аўтары выставы, вучні 2 класа гімназіі №75 г.Мінска імя Масленнікава П.В.: Мне спачатку спадабалася маляваць, фарбы змешваць. Рабіць малюнкі, карціны. Мне падабаюцца гэтыя карціны. Мне падабаецца тое, што ў іх радасць, розныя сюжэты. Мне падабаецца ляпіць, маляваць, мне падабаецца мая настаўніца.
Студэнты у сваю чаргу ў гімназіі размалявалі сцены кафэ і сталовай. Атрымалася сапраўдная стылізацыя - Мірскі і Нясвіжскі замкі ў адной кампазіцыі. Для заслужанага мастака і загадчыка кафедры Георгія Лайко гэта гімназія, як родны дом. Тут у 60-я гады ён правучыўся 9 класаў, а зараз ахвотна супрацоўнічае.
Георгій Лайко, загадчык кафедры мастацкай адукацыі БДПУ, член Саюза мастакоў: Мы плануем гэтую выставу перанесці ў сцены нашай ВНУ на нашу кафедру. І ў сценах ВНУ яшчэ нейкі час паказваць выставу дзяцей, каб нашы студэнты і тыя, хто наведваюць універсітэт, убачылі цікавыя вынікі школьнікаў.
Дзіцячая мастацкая майстэрня адкрыецца і ва ўніверсітэце культуры. Навучанне плануецца па чатырох кірунках: малюнак, жывапіс, кампазіцыя і кераміка. Студыя стане своеасаблівым падарункам мінчанам да Дня горада.
