Сямейнае свята адбылося ў Свята-Елісавецінскім манастыры. Праграма для наведвальнікаў была насычанай: катанне на конях, палявая кухня, кірмаш. А для самых маленькіх гасцей - лялечны тэатр Батлейка. Сродкі, сабраныя са свята, пойдуць на будаўніцтва прытулка для бяздомных.
Юлія Токар пра белые кветкі на вялікую справу… Адразу на ўваходзе ў Свята-Елісавецінскі манастыр размясціўся дабрачынны кірмаш. Госці тут выбіраюць сабе рэчы, кошт якіх вызначаюць самастойна - ахвяруюць, колькі палічаць за патрэбнае. У падарунак кожнаму - белая ружа або хрызантэма. Кветкі, дарэчы, і лічацца сімвалам свята. Сабраныя сродкі пойдуць на будаўніцтва прытулка для бяздомных, які будзе знаходзіцца на падворку ў вёсцы Лысая Гара.
Дары з падвор'я прывезлі на тэрыторыю манастыра. Славянская трапеза, дэгустацыя палявой кухні. А для маленькіх наведвальнікаў - вандроўка па міні-заапарку.
Ваенна-патрыятычная выстава прадэманстравала традыцыі кубанскіх казакоў. Як прыклад - касцюмы-чэркескі. Асноўны элемент якіх - гэта, зразумела, шашка.
Пётр Шапко, кіраўнік патрыятычнага цэнтра КАЗАЦКІ СПАС: Прывезлі мы ўзоры гістарычнай зброі. Шашкі казачыя гістарычныя, прывезлі макеты аўтаматаў. Для дзяцей гэта вельмі цікава, нашы інструктары дапамагаюць ім рабіць разборку-зборку. Вогнішча распальваем, гэта значыць такая воінская тэматыка, якая і павінна быць у казакоў.
Дабрачынная акцыя ператварылася ў сапраўднае сямейнае свята. У сталіцы яе правялі адразу на некалькіх пляцоўках. Адной з якіх стаў Палац мастацтваў. Дзякуючы такой міласэрнай справе амаль 200 чалавек у найбліжэйшы час атрымаюць прыстанак.
