Аляксей Кандраценка азнаёміўся з прэйскурантам.
Апошнія прыгатаванні і ўсе гэтыя кулінарныя вынаходкі адправяцца да адрасатаў. Абеды і святочныя стравы аператыўна даставяць па горадзе і раёне.
Вольга Бярозаўская, старшы повар рэстарана: Да нас прыходзяць людзі і заказваюць тыя стравы, якія не могуць прыгатаваць самі альбо гэта працаёмка. Гэта куры фаршыраваныя, рулеты, заліўныя.
Аператыўнасць зараз патрэбная і ў палях і агародах. Узараць і апрацаваць зямлю самастойна могуць далёка не ўсе. Без тэхнікі не абысціся. На дапамогу і тут прыходзіць раённае спажывецкае таварыства.
Малы, але спрытны! Звычайны трактар на такім агародзе нестандартны працаўнік. А вось такая тэхніка - самае то.
Увесь участак узараны за паўтары гадзіны і можна сеяць. Каштуе такая паслуга 50 тысяч рублёў за адну сотку.
У суседняй вёсцы ў гэты час спецыялісты дапамагаюць прывесці ў парадак касу.
А побач на ўсю моц ляцяць трэскі. Колка або распілоўка дроў - таксама запатрабаваная паслуга. 35-50 тысяч рублёў за кубаметр - прымальная цана.
Кацярына Гурыновіч, жыхарка г. Мар'іна Горка: Такая паслуга мне патрэбная, таму што ў нас пячное ацяпленне і двое маленькіх дзяцей. Дом трэба ў любым выпадку апальваць.
Пра ўсе мабільныя паслугі, якія прапануе Пухавіцкае раённае спажывецкае таварыства, як правіла, даведваюцца з газет. Мясцовыя прэса, радыё, а таксама магазіны - крыніца інфармацыі аб разнастайных паслугах.
Сёння арганізацыі спажывецкага саюза Мінскай вобласці аказваюць больш за паўсотню паслуг.
Таццяна Салтановіч, прэс-сакратар Белкаапсаюза: Распрацаваная галіновая праграма развіцця спажыўкааперацыі. У ёй прадугледжана развіццё сферы паслуг на 2014 год. Так, у кожным раённым спажывецкім таварыстве павінна быць не менш за 14 відаў паслуг у залежнасці ад попыту.
Не за гарамі і сезон збору ўраджаю і нарыхтоўкі лясных дароў. А гэта значыць пачынаецца гарачая пара для ўсёй спажыўкааперацыі.
