Сёння ў Белтэлерадыёкампаніі прайшла жараб'ёўка фіналістаў беларускага адбору на "Еўрабачанне".
У якім парадку ўдзельнікі будуць выходзіць на сцэну - ужо вядома.
1. Іюль (Юлія Каранюк);
2. Аляксандра Ткач;
3. Уладзіслаў Курасаў;
4. Група NAVI;
5. ISAAK NIGHTINGALE (Вадзім Капусцін);
6. KATTIE;
7. NUTEKI;
8. NAPOLI;
9. Мікіта Ходас;
10. Анжаліка Пушнова;
11. Анастасія Шавярэнка;
12. LERMONT x JULIC;
13. Група PROвакацыя.
Менавіта ў такой паслядоўнасці канкурсанты праспяваюць свае кампазіцыі на выніковым гала-канцэрце, які адбудзецца 20 студзеня. Усяго да фіналу беларускага адбору на конкурс дапушчаныя 13 салістаў і калектываў. Пераможцу праекта выберуць гледачы і журы. Іх галасы падлічаць у працэнтных суадносінах 50 на 50. Удзельнік, які набраў найбольшую колькасць балаў, прадставіць Беларусь на "Еўрабачанні-2017" у маі ў Кіеве.
Фіналісты пазнаёміліся таксама з арганізатарамі праекта і абмеркавалі нюансы падрыхтоўкі і правядзення фінальнага шоу. Ва ўдзельнікаў адбудуцца здымкі відэавізітовак, якія будуць апярэджваць выступленне. Ужо вядомая стылістыка ролікаў-прэзентацый - у іх будзе скарыстаная сімволіка беларускага арнаменту.