Заўтра стануць вядомыя імёны трыумфатараў кінафестывалю "Лістапад"

8 Лістапада 2018

Каму дастанецца галоўны трафей “Лістапада”? Ужо заўтра юбілейны міжнародны кінафорум дасць свае фінальныя цітры і назаве імёны трыумфатараў.

Пакуль беларускія кінаманы прадчуваюць аб’яўленне вынікаў, у Мінску праходзяць апошнія паказы нацыянальнага конкурсу. У сценах кінатэатра “Беларусь” свае кароткаметражныя стужкі асабіста прадэманстравалі іх стваральнікі. Аўтары фільмаў адказалі на пытанні кінаманаў і распавялі аб стварэнні айчыннага прадукту. Усяго ў нацыянальным конкурсе ўдзельнічаюць 18 фільмаў. Гэта гульнявыя, дакументальныя і анімацыйныя карціны.

Цырымонія закрыцця міжнароднага кінафоруму адбудзецца ў кінатэатры "Масква". Хто паводле версіі журы ўдастоены золата "Лістапада", даведаемся ўжо заўтра. Нагадаем, што конкурсныя стужкі ацэньвалі 7 складаў міжнародных экспертаў. Кінафорум закрые праца аскараноснага Дэні Аркана "Падзенне амерыканскай імперыі".