Юбілей сёння адзначае народная артыстка Беларусі Людміла Яфімава. Генію харавой музыкі, як называюць дырыжора калегі, 80. Са знамянальнай датай Людмілу Яфімаву павіншаваў Прэзідэнт Аляксандр Лукашэнка. Ёй шмат падуладна - выкананне найскладанейшых твораў, нетрадыцыйная іх трактоўка і стварэнне паўнавартасных праграм. Менавіта пад кіраўніцтвам Яфімавай Дзяржаўная акадэмічная харавая капэла імя Рыгора Шырмы набыла шырокую вядомасць і прызнанне ў Беларусі і за мяжой. За значны ўнёсак у развіццё айчыннага харавога мастацтва і беларускай народнай музыкі Людміла Барысаўна была ўзнагароджана ордэнам Францыска Скарыны.