X-Factor ужо ў Гомелі. Першы перадкастынг пачнецца ў 10 раніцы

X-Factor у Гомелі. У горад на Сожы ужо прыбыла каманда папулярнага вакальнага талент-шоу для правядзення праслухоўвання. Перадкастынг пройдзе сёння і заўтра ў Гомельскім абласным грамадска-культурным цэнтры па вуліцы Ланге, 17. Рэгістрацыя ўдзельнікаў пачнецца ў 10:00. У саставе групы X-Factor будуць працаваць выканаўчы прадзюсар праекта Вольга Шлягер, прадзюсар Белтэлерадыёкампаніі і кіраўнік праграмы "Добрай раніцы, Беларусь!" Алена Воляк, актрыса і вядучая Святлана Бароўская, спявачка і вядучая Ніна Багданава. Зарэгістравацца на перадкастынг можна загадзя - на сайце tvr.by. На гэты момант у адрас Белтэлерадыёкампаніі паступіла больш як 3 тысячы электронных заявак не толькі з нашай краіны, але з-за мяжы.