Самы маштабны музейны флэшмоб стартуе ў гэтыя хвіліны ў Мінску. Амаль 2000 музеяў Еўропы і Амерыкі адкрылі свае экспазіцыі шырокаму гледачу. Беларусь жа дзясяты раз прымае эстафету. Дарэчы, выяўленчыя мастацтвы паспаборнічаюць з выканальніцкімі. Так, на крытым катку хакейнага клуба Юнацтва-Мінск у сталічным парку Горкага прадставяць першую хакейную оперу-буф 0:1. Якую рыхтавалі спецыяльна да чэмпіянату свету. Наш карэспандэнт Ніна Мажэйка распавядзе падрабязней, куды варта схадзіць гэтай ноччу.
З сямі гадзін вечара тут збіраецца вялізная чарга. Летась Нацыянальны гістарычны музей сабраў больш за тысячу наведвальнікаў. Хтосьці купляў білеты загадзя, а хтосьці прама на ўваходзе. Магчымасць трапіць у музей захоўваецца на працягу ўсёй ночы. Дарэчы, хакейным балельшчыкам зробяць скідку амаль 30% ад кошту. Трэба будзе толькі паказаць білет на матч чэмпіянату свету.
Гістарычны музей гэтай ноччу бурыць стэрэатыпы. Музей прытомнасці - так называецца праграма сёлета. Адкрыты ўсе экспазіцыі. Алімпійская Беларусь, нашумелая Галаграфія…. На месцы з замежнымі гасцямі працуюць валанцёры з веданнем мовы. Задзейнічаны ўсе пляцоўкі, і нават унутраны дворык. Тут паказалі шоу Залатога рэжысёра. У прамым сэнсе.
Нацыянальны мастацкі музей выбудаваў лабірынты. Інтэрактыўныя выставы, відэаінсталяцыі… Усё па апошнім слове тэхнікі. Эпіцэнтрам будзе, вядома, юбілейная экспазіцыя Дзесяць стагоддзяў мастацтва Беларусі. Дарэчы, на ёй можна ўбачыць самую дарагую карціну ў краіне. Трапіць бясплатна ў музей можна, толькі прад'явіўшы гадзіннік, зроблены сваімі рукамі. Пры гэтым ён павінен упісвацца ў агульны ансамбль убору.
Адна чарга перарастае ў наступную. Гэтую з'яву можна назіраць паміж Нацыянальным мастацкім музеем, дзе зараз стартуе міжнародная акцыя, і Нацыянальным гістарычным. Яны знаходзяцца за некалькі метраў адзін ад аднаго. Да гэтай хвіліны да флэшмобу працягваюць далучацца музеі Беларусі.
