Дэбют Уладзіміра Вішнеўскага ў Нацыянальным мастацкім музеі. Пад першую персанальную выставу ў гэтых сценах майстру адвялі прастору галерэі. Аўтар прэзентуе абранае за 44 гады творчага стажу.
У экспазіцыі - сотня твораў у розных відах выяўленчага мастацтва
Тут сышліся тыражная графіка, працы, напісаныя акварэллю і тушшу, а таксама скульптура. Прычым, фігуры створаныя з розных матэрыялаў - бронзы, каменя і дрэва. Такая разнастайнасць творчасці як пацверджанне шматграннасці таленту аўтара.Рознае ўвасабленне, але ідэя адна - любоў да Радзімы, вывучэнне гісторыі. Вішнеўскі падкрэслівае гэта і ў назвах сваіх прац - "Карона Міндоўга", "Полацкія напевы", "Камень Рагвалода". Таксама прапанаваны цыкл прац, прысвечаны выдатнай фігуры ў нашай гісторыі, - Адаму Міцкевічу.
