"Мастак, які малюе час". Святаслаў Федарэнка ўзгадвае знакавыя падзеі беларускай гісторыі на палатне. І вось праз 77 гадоў зноў вяртаецца да тэмы Вялікай Айчыннай вайны, а менавіта да вёскі Хатынь.
Як за 60 кіламетраў ад сталіцы ўвасобілася памяць пра трагедыю мінулай эпохі - убачыла Юлія Токар.
І нават праз дзесяцігоддзі трагедыя Хатыні нібы ўваскрасае. Упершыню Святаслаў Федарэнка адлюстраваў палаючую вёску на палатне. Вось "Покліч Хатыні" алеем.
Здаецца, самі фарбы адчуваюць гэты боль, страх, непазбежнасць. Ад ярка-чырвонай да папялістай палітры выразна перадаюцца дэталі. Дзіцячыя напалоханыя вочы, падранае адзенне, языкі полымя. Тут і памер палатна адпаведна трагедыі. Падпалены хлеў з жыхарамі Хатыні яшчэ ніхто не пісаў.
Аўтар карціны Святаслаў Федарэнка дзеліцца сваімі асабістымі пачуццямі і эмоцыямі ад агульнай трагедыі. Аўтарская выстава "Мастак, які малюе час" сёння адкрылася ў фотадакументальнай экспазіцыі мемарыяльнага комплексу “Хатынь”.
Гэтыя палотны - своеасаблівы рэквіем мастака. У дэталях і вобразах увасоблены ўвесь трагізм аднаго жудаснага дня - 22 сакавіка. Карціна застанецца тут, у Хатыні, як напамін.
Палотны Святаслава Федарэнкі прадэманстраваны ў фондах Нацыянальнага мастацкага музея, у Музеі сучаснага мастацтва і ў прыватных калекцыях Расіі, Англіі, Італіі, Швейцарыі. А сёння ў экспазіцыі можна ўбачыць асобныя франтавыя замалёўкі Федарэнкі-старэйшага. Менавіта бацька і стаў першым настаўнікам жывапісца ў родным Магілёве.
Святаслаў Федарэнка не проста мастак - педагог. 39 гадоў ён выкладаў у гімназіі-каледжы імя Ахрэмчыка. Таму і гэтым разам у амплуа "гісторыка" "малюе час".
Выстава "Мастак, які малюе час" адкрылася ў мемарыяльным комплексе “Хатынь”
19 февраля 2020