"Армянскі сілуэт" паказалі ў беларускай сталіцы. Выстава з такой назвай праходзіць у Нацыянальным мастацкім музеі. Гэта персанальны вернісаж народнага мастака Арменіі Фараона Мірзаяна. Жанравы дыяпазон работ майстра разнастайны: гэта пейзажы, нацюрморты, партрэты і сюжэтныя кампазіцыі. У асноўным работы прысвечаныя радзіме аўтара - Арменіі.
Дарэчы, свае палотны майстар дэманстраваў у Сербіі, Польшчы, Расіі. А вось у Беларусі з вернісажам мастак упершыню.
