Яго натхненне - пейзажы малой радзімы. Ва Уздзенскім гісторыка-краязнаўчым музеі адкрылася персанальная выстава да 60-годдзя мастака Алеся Філіповіча. У экспазіцыі - 45 работ. Гэта разнапланавыя карціны майстра: рэальныя і фантастычныя пейзажы, партрэты і гістарычныя палотны. Многія работы расказваюць аб прыгожых мясцінах бацькоўскай вёскі Куль, што непадалёк ад Узды: сёння тут мастак жыве і працуе.
Гэта не першая персанальная выстава майстра. Алесь Філіповіч часта выстаўляецца ў гарадах Беларусі, а палотны мастака захоўваюцца нават у прыватных калекцыях у Амерыцы, Канадзе, Англіі, Расіі.
Ацаніць творчасць мастака ва уздзенскім музеі можна будзе да канца лістапада.
Выстава Алеся Філіповіча - ва Уздзенскім гісторыка-краязнаўчым музеі
6 ноября 2019